Është identifikuar punonjësi i Gardës së Republikës që është gjetur i vdekur brenda makinës së tij. Burime nga policia thanë se bëhet fjalë për Shkëlzen Qordja, i cili ishte me detyrë shofer i Ministrit të Brendshëm, Fatmir Xhafaj.
Ai është gjetur i vdekur në mjetin e tij pranë Gardës së Republikës. Policia dhe prokuroria janë në vendin e ngjarjes.
Po hetohet në dy pista, vetëvrasje dhe krim. Kjo sepse brenda makinës është gjetur edhe një pistoletë.
