Një javë më parë qarkulloi me shpejtësi lajmi se këngëtarja Era Istrefi është në një lidhje me producentin Diplo dhe shkak për këto thashetheme janë bërë komentet apo ngacmimet e tyre.
Ishte producenti Diplo ai që fillimisht e pyeste Erën te një foto se për sa kohë do qëndronte në Xhamajka, ku ajo po realizonte videoklipin. E ky koment u konsiderua si një ngacmim nga ana e Diplos.
Më pas producenti komentoi sërish në një tjetër postim të Erës ku shkruante “one love”, e kjo gjë fansave iu duk e çuditshme se pse Diplo shkëput pikërisht këtë fragment nga kënga “Live it up”.
E pas këtyre komenteve, fansat i kanë bërë bashkë Erën dhe Diplon. Megjithatë sot këngëtarja shqiptare Dua Lipa ja ka marrë producentin Erës. Dua ka publikuar një foto me Diplon duke lënë të kuptohet se diçka të re po sjellin./panoramaplus
