Qytetarë serbë i janë bashkuar një manifestimi në Vidovdanit në Gazimestan, disa kilometra larg Prishtinës ndërsa kanë provokuar me mbishkrime nacionaliste.
Mediat kosovare kanë publikuat disa foto ku serbët shihen të veshur me bluza që kanë të stampuara foto të Sllobodan Millosheviç dhe Ratko Mladiç.
Po ashtu kishte dhe nga ata qytetarë që mbanin veshur edhe bluza me mbishkrime “Kosova është Serbi” dhe flamuj të Serbisë. Këtë herë nuk ishin të pranishëm përfaqësuesit më të lartë të institucioneve të Beogradit. Policia ka ndërmarrë të gjitha masat e sigurisë për tubimin publik, si dhe ka garantuar siguri për pjesëmarrësit.
