Temperaturat e larta të prillit kanë bërë që sezoni i plazhit në Durrës të nisë më herët se zakonisht.
Qytetarët kanë shfrytëzuar motin e mirë për të kaluar fundjavën në bregun e detit. Shumica e kaluan ditën duke marrë rreze dielli, ndërsa nuk ishin të paktë ata që guxuan të laheshin në det.
Sezoni turistik në plazhin e Durrësit çelet në muajin maj, por kushtet e favorshme të motit e kanë përshpejtuar nisjen e sezonit të plazhit këtë vit.
