Njësia Speciale e Kosovës është nisur drejt Veriut të Kosovës. Këtë rrugë ata e kanë marrë pasi Ministrit serb të Mbrojtjes, Aleksandar Vulin, i është ndaluar të marrë pjesë në Gazimestan për festën e Vidovdanit, transmeton Gazeta Express.1
Lajmin për ndalimin e hyrjes së ministrit serb e ka konfirmuar dje edhe ministri i Punëve të Jashtme, Behgjet Pacolli.
I pyetur në lidhje me zyrtarët serbë që kanë kërkuar leje të hyjnë në territorin e Kosovës për manifestimet e sotme, Pacolli tha se vetëm ministrit të Mbrojtjes së Serbisë, Aleksandar Vulin, i është ndaluar hyrja.
Ministri Pacolli nuk ka dhënë përgjigje në lidhje me arsyen e refuzimit të kërkesës së Vulinit. Sot pritet të mbahen manifestime për festën religjioze ortodokse – Vidovdanit.
***
Ministria e Punëve të Jashtme të Kosovës i ka ndaluar hyrjen në Kosovë ministrit serb të Mbrojtjes, Aleksandar Vulin, i cili kishte bërë kërkesë që të marrë pjesë në festën e Vidovdanit, raporton “Zeri.info”.
Mirëpo, nëse Vulin tenton që të hyjë në territorin e Kosovës ilegalisht, atëherë Policia e Kosovës do ta zbatojë ligjin.
Këtë gjë e ka bërë të ditur Jetlir Zyberaj, këshilltar i ministrit të Punëve të Jashtme, Behgjet Pacolli, përcjell “Zeri.info”.
Sipas Zyberajt, edhe partnerët ndërkombëtar të Kosovës janë të informuar për të gjitha veprimet që do t’i ndërmarre Kosova.
