Të gjithë kanë ritualet e tyre fatsjellëse: pak ditë më parë kemi parë Roman Burki, që duhet të prekë topin me duar para fillimit të ndeshjes. Tani ka dalë edhe prapaskena që ka lidhje me një prej yjeve të Kupës së Botës, Cristiano Ronaldo.
Paraqitja e tij e mirë në ndeshjet e para, me përjashtim të penalltisë së humbur ndaj Iranit, mund të jetë meritë e tifozes numër një të portugezit, mamasë. Dolores Aveiro, në fakt, i ndjek gjithmonë ndeshjet e djalit dhe para çdo takimi ndez një qiri me shpresën që gjithçka të shkojë mirë.
Në prag të ndeshjes me Iranin, mamaja e CR7, e shoqëruar nga nipi, Cristiano Jr., ka zhvilluar ritualin dhe e ka postuar në rrjetet sociale: “Duam t’i urojmë fat të mbarë Portugalisë”, ka qenë mesazhi që ka shoqëruar fotografinë.
Rituali duket se ka funksionuar përsëri. Është e vërtetë se Ronaldo ka humbur penalltinë, por Irani ka shpërdoruar një rast të pastër në minutat e fundit të ndeshjes, që, në rast goli, do ta kishte eliminuar Portugalinë ngë Botërori.
