Ka ngritur shumë diskutime mënyra e festimit të Granit Xhakës dhe Xherdan Shaqirit. Të dy i festuan golat e shënuar ndaj Serbisë, duke bërë shenjën e shqiponjës, simbolit të flamurit shqiptar. Një gjest që ka tërbuar jo vetëm tifozët serbë, por edhe lojtarët dhe drejtuesit e skuadrës serbe.
FIFA e ka dënuar gjestin e dy lojtarëve shqiptarë të Zvicrës dhe ka hapur një hetim disiplinor kundër Xhakës dhe Shaqirit, por edhe kundër trajnerit të Serbisë, Mlladen Krstajiç, i cili lëshoi deklarata të forta kundër arbitrit Bryzh.
Por nuk përfundon me kaq, sepse edhe kapiteni i Zvicrës, Stefan Lihshtajner rrezikon të skualifikohet. Pas ndeshjes edhe ai ka festuar fitoren e Zvicrës, duke bërë shenjën e shqiponjës.
