Përfaqësuesja e Lartë e Bashkimit Evropian, Federica Mogherini e cila ndërmjetësoi takimin me presidentin kosovar Hashim Thaçi dhe atë serb, Aleksandar Vuçiç ka thënë se në takim ka pasur një diskutim intesiv dhe produktiv në mes dy palëve.
“Pati një diskutim intensiv dhe produktiv në mes presidentit të Serbisë, Aleksandar Vuçiç dhe të Kosovës, Hashim Thaçi në kuadër të marrëveshjes për normalizimin e plotë të marrëdhënieve. Ata ranë dakord të intensifikojnë punën në javët e ardhshme”, thuhet në njoftimin e zëdhënës se përfaqësueses së BE-së.
Më herët kjo gjë u deklarua edhe nga Presidenti Thaçi, por ai theksoi se diskutimi ishte i vështirë.
