Javier Mascherano ka mohuar pretendimet për një çarje në kampin e Argjentinës mes Jorge Sampaolit dhe lojtarëve të tij, duke këmbëngulur se marrëdhënia me menaxherin është krejtësisht normale.
“Natyrisht, kur ne nuk ndihemi mirë flasim për diçka me të. Nuk jemi hipokritë, ne e dimë se situata është e ndërlikuar, duhet të jemi të bashkuar, të shprehim mendimet tona dhe të bëjmë gjithçka të mundur, në lojë dhe më pas të mendojmë kualifikimin“-tha mesfushori i “Albicelesteve” në konferencën për shtyp para ndeshjes kundër Nigerisë.
Argjentina nuk arriti të fitojë asnjë prej dy ndeshjeve hapëse në Kupën e Botës për herë të parë që nga viti 1974.
