Një zjarr ka shpërthyer mesditën e sotme në qendër të Durrësit, pranë Bashkisë dhe kishës katolike “Shën Lucia”.
Sipas informacioneve paraprake, flakët kanë përfshirë një godinë banimi që përdoret si rezidencë e priftërinjve.
Në vendngjarje kanë mbërritur forcat zjarrfikëse, të cilat po punojnë për izolimin dhe shuarjen e flakëve. Deri tani nuk ka informacion nëse ka persona të lënduar, ndërsa shkaqet e zjarrit mbeten ende të paqarta.
