Një ishull i largët shqiptar ka një nofkë të re: “Ishulli Kushner”, shkruan rrjeti prestigjioz “Al Jazeera”.
“Jared Kushner, dhëndri i Presidentit të SHBA-së Donald Trump dhe themeluesi i firmës së investimeve Affinity Partners, planifikon të ndërtojë atje një vendpushim luksoz prej 14 miliardë dollarësh. Projekti ka shkaktuar protesta të mëdha, me turma që brohorasin, “Shqipëria nuk është në shitje”. A është kjo e ardhmja që duan shqiptarët, apo një shitje e tokës së tyre ndaj pasurisë së huaj?” – thuhet në nisje të emisionit.
Në këtë episod ka dhënë një intervistë gazetari Mitchell Prothero.
“Jared dhe Ivanka e panë këtë bukuri dhe, siç e dini, për nder të tyre, vija bregdetare e Shqipërisë është absolutisht mahnitëse. Pra, mund ta kuptoni pse dikush do të mendonte se duhet të vendosja një resort miliarda dollarësh këtu” – shprehet ai.
