Banorë të Lushnjës kanë dalë sot në protestë për të kundërshtuar gjendjen e spitalit të qytetit dhe mungesën e kushteve bazë në shërbimin shëndetësor.
Protesta është thirrur nga deputeti Saimir Korreshi, i cili u ka bërë thirrje qytetarëve të bashkohen për të ngritur zërin mbi situatën që ndodhet spitali.
Gjatë protestës, pjesëmarrësit kanë denoncuar mungesën e kushteve dhe problematikat që, sipas tyre, ndikojnë drejtpërdrejt në cilësinë e shërbimit ndaj pacientëve.
Protestuesit janë nisur në këmbë drejt bashkisë së qytetit, ku pritet të vijojnë protestën në shesh, duke kërkuar ndërhyrje dhe zgjidhje konkrete nga institucionet përgjegjëse.
