Deputeti socialist Erion Braçe ka denoncuar përmes një videoje në rrjetet sociale gjendjen e rënduar nga mbeturinat në zonën e Myslym Shyrit, një nga rrugët më të frekuentuara në kryeqytet.
Në pamjet e publikuara shihen dyshekë të hedhur, rroba dhe mbetje të tjera urbane të shpërndara pranë rrugës, ndërsa Braçe e cilëson situatën si të rrezikshme për shëndetin publik.
“Kjo është një vatër infeksioni me minj që lëviznin nëpër plehra. Jo vetëm duhet pastruar menjëherë, por edhe duhet dezinfektuar”, shkruan Braçe ndër të tjera.
