Dita e tretë është shumë e pasur në “Rusi 2018”, ku do të debutojnë në Kupën e Botës dy favoritë të tjerë për fitoren përfundimtare: Franca dhe Argjentina.
“Gjelat” do të zbresin në fushë në orën 12:00 kundër Australisë, sfidë e vlefshme për Grupin C, e cila, të paktën në letër, duket pa histori.
Tashmë janë publikuar edhe formacionet zyrtare.
Pas Francës, në orën 15:00, nis aventurën në Botëror Argjentina e Leo Messit përballë Islandës, takim i vlefshëm për Grupin D.
Pasditja e futbollit do të vazhdojë në orën 18:00, kur Peruja dhe Danimarka do të luajnë sfidën e dytë të Grupit C, ku bën pjesë edhe Franca.
Së fundi, për të mbyllur ditën e tretë të Botërorit të Rusisë, do të luhet ndeshja midis Kroacisë dhe Nigerisë, e vlefshme për Grupin D.
