Është votuar këtë të martë (5 maj) raporti i Parlamentit Europian për Shqipërinë për vitin 2025. Në mbledhjen e Komisionit për Punët e Jashtme, eurodeputetët votuan me 58 vota pro, 7 kundër dhe 7 abstenim.
“Dua të kujtoj se Shqipëria është konsideruar nga komisionerja jonë Marta Kos, si një nga 2 favoritët sa i takon zgjerimit.”, tha Raportuesi për Shqipërinë në PE, Andreas Schieder gjatë mbledhjes.
Ai shtoi se në këtë raport, kërkohet që reformat të prekin jetët e përditshme të njerëzve, dhe që Shqipëria t’i japë më shumë fokus situatës sociale.
PE thekson se duhen reforma edhe më të thella dhe më të qëndrueshme, të cilat janë thelbësore për forcimin e institucioneve demokratike dhe për përmbushjen e kërkesave të BE-së.
