Një drejtuese ekzekutive shqiptare në bankën e madhe amerikane JPMorgan Chase, Lorna Hajdini, është bërë objekt i një padie ligjore në Shtetet e Bashkuara, sipas dokumenteve të depozituara në gjykatë në Nju Jork
Hajdini, e cila mban një pozicion në nivel drejtuesi ekzekutiv në bankë, akuzohet nga një ish-punonjës anonim për sjellje të papërshtatshme në vendin e punës, përfshirë pretendime për ngacmim seksual, presion dhe sjellje të natyrës diskriminuese. Sipas padisë, ngjarjet e dyshuara kanë nisur në vitin 2024 dhe janë përshkallëzuar me kalimin e kohës.
Sipas paditësit, drejtuesja joshëse e JP Morgan e shndërroi atë, ndonëse i martuar në skllav seksi në zyrën e saj. Ai pretendon se ajo i jepte viagra, drogë përdhunimi dhe ndërmori shumë akte që në disa raste e kishin bërë dhe për të qarë.
Paditësi pretendon se, për shkak të pozicionit të saj të lartë, Hajdini ka ushtruar ndikim të drejtpërdrejtë mbi ecurinë e tij profesionale, duke e vendosur atë në një situatë presioni dhe frike nga pasojat në karrierë.
Në dokumentet e dorëzuara në gjykatë përmenden gjithashtu pretendime për krijimin e një mjedisi armiqësor pune dhe sjellje të përsëritura të padëshiruara.
Çështja është regjistruar në Gjykatën Supreme të Qarkut të Nju Jorkut, ndërsa paditësi ka kërkuar të mbetet anonim për arsye sigurie personale.
Nga ana e saj, JPMorgan Chase ka mohuar akuzat dhe ka deklaruar se një hetim i brendshëm nuk ka gjetur prova që mbështesin pretendimet e ngritura në padi.
Rasti pritet të vijojë në gjykatë, ndërsa ka tërhequr vëmendje për shkak të pozicionit të lartë të të akuzuarës dhe debatit mbi standardet e sjelljes dhe përgjegjësinë në vendet e punës në institucione të mëdha financiare.
