Kupa e Botës/ Bouhaddouz shokon Marokun, i dhuron 3 pikë Iranit

Një autogol i Bouhaddouz në çastet e fundit të takimit i ka dhënë 3 pikë mjaft të vyera Iranit, që mposhti me rezultatin minimal 1-0 Marokun.

Me këtë fitore Irani ngjitet në vendin e parë të Grupit B, duke ngjallur shpresat për një kalim në fazën tjetër.

Është mbyllur me rezultatin 0-1 ndeshja e parë e Grupit B në Botëror ndërmjet Marokut dhe Iranit.

Marokenët edhe pse tentuar më shumë se iranianët në fund dolën të humbur. Ndeshja u vulos në minutën e 95-t kur pas një krosi në zonë futbollisti Bouhaddouz shënoi gol në portën e tij.

Gjyqtari e lejoi lojën edhe 2 minuta, por deri në vërshëllimën përfundimtare nuk pati ndryshim rezultati. Zhgënjim për marokenët të cilët tashmë janë më një këmbë jashtë Botërorit pasi 2 ndeshjet e ardhshme do t’i luajnë kundër Spanjës dhe Portugalisë.