Detaje të reja dalin në dritë nga tragjedia e regjistruar në Malishevë, ku një banesë u përfshi nga flakët duke u marrë jetën babait 35 vjeç dhe dy fëmijëve të tij të mitur 9 dhe 12 vjeç.
E afërmja e familjes, ka rrëfyer në emisionin “Me Zemër të Hapur”, detaje në lidhje me ngjarjen. Tezja e dy fëmijëve të mitur, ka treguar se nëna e fëmijëve nuk jetonte në banesë me fëmijët. Sipas saj familja kishte prej vitesh probleme, ndërsa ka deklaruar se fëmijët dhe e motra dhunoheshin.
“Kanë 10 vite që kanë pasur shumë probleme familjare, janë ndarë dhe bashkuar shumë herë gjatë kësaj kohe. Tani është shumë e rëndë të flasësh, por ka pasur edhe dhunë në familje. Ish-bashkëshorti ka ushtruar edhe dhunë”, ka treguar ajo.
Gjithashtu gjatë intervistës, ajo ka rrëfyer kalvarin e gjatë të vuajtjeve të motrës së saj, divorcin me ish-bashkëshortin, dhe gjithashtu tregoi se ka pasur edhe dhunë në familje.
“Unë shkova në polici sepse nuk po mundja të kontaktoja me motrën time. Fëmijët kanë qenë shëndoshë e mirë . Por për shkak të 5 muajve në burg, me ato nuk u kujdes. Motra i ka pas mirë komunikim me fëmijët edhe pse kanë pasur ndarje e ribashkim. Sakrifica e nënës për fëmijët dihet se si është. Para tragjedisë, për herë të fundit, i ka parë para 6-7 ditësh. Babai i fëmijëve, diku në fund të vitit 2025 kanë pasur ndarje me ish-partneren e tyre sërish…fëmijët kanë jetuar me xhaxhain ca kohë. Kjo bashkëjetesë e ka pasur pasi u nda me motrën time. Me motrën time nuk është lidhur më, vetëm kanë pasur komunikim për fëmijët. Nuk e di sa ka qëndruar me bashkëjetuesen. Fëmijët jetonin me babain sepse socialja në Malishevë i ka mohuar të drejtën për të bërë ankesë…”, ka rrëfyer ajo.
