Policia e Fierit ka bërë të ditur se ka arrestuar një 27-vjeçar të shpallur në kërkim prej rreth një viti.
Në pranga është vënë shtetasi Kelmend Beqaj banues në Fier, i cili akuzohet për veprat penale “Vrasje me dashje”, e mbetur në tentativë, dhe “Armëmbajtje pa leje”.
Arrestimi i tij u krye në pikën kufitare të Kakavijës.
Sipas njoftimit zyrtar, më 5 maj të vitit të kaluar ky shtetas ka qëlluar me armë zjarri shtetasin G. H., 42 vjeç, për motive të dobëta, dhe më pas është larguar nga vendi i ngjarjes.
Pas ngjarjes, ndaj tij Gjykata kishte caktuar masën e sigurisë “Arrest me burg”.
