Gjermani – Ditën e hënë therja e një 15-vjeçareje në një park të qytetit Viersen shokoi mbarë opinion publik.
Një ditë më pas hetuesit kanë arritur të mbledhin detaje rreth krimi makabër, ku vdiq adoleshentja Iuliana R. “Bild” bën me dije se vajza është therur nga ish-i dashuri i saj Matyu K, i cili është arrestuar ditën e martë.
17-vjeçari me origjinë bullgare jeton në Viersen me prindërit e tij dhe ka pasur një marrëdhënië dashurie për rreth tre vjet më të renë. Sipas miqve të saj, shkruan “Bild” ata kishin disa kohë që ishin ndarë. Matyu K nuk është një emër i panjohur për autoritetet gjermane, ai është arrestuar disa herë për drogë, vjedhje si dhe dëmtim të pronës.
Një ditë më parë policia tha se ai ishte 25-vjeç dhe me origjinë turke, por më pas është liruar, pasi nuk ishte ai autori i krimit të rëndë. Policia tha se ka arrestuar në fillim personin e gabuar, duke iu referuar dëshmive të marrë nga personat që kanë qenë në vendngjarje.
