Pas 11 ditësh bllokimi dhe kaos, është njoftuar rikthimi i lëvizjes së mjeteve në aksin Librazhd-Prrenjas.
Në një reagim në rrjete sociale, ARRSH njofton se lëvizja të kryhet përmes një devijimi provizor të ndërtuar pranë segmentit ekzistues, deri në realizimin e plotë të rrugës alternative, megjithatë nuk jepet asnjë afat se sa do të zgjasë kjo situatë e cila ka shkaktuar kolaps për banorët e zonës dhe drejtuesit e mjeteve.
Sipas ARRSH, segmenti do të funksionojë me sinjalistikë kantieri dhe, përkohësisht, do të jetë i paasfaltuar deri në stabilizimin e shtresave, ndërkohë mbetet për tu parë nëse edhe kjo rrugë do pësojë sërish shembje, ose do të shkaktohet trafik i rënduar pasi kamionët të bllokohen në kthesat e ngushta, ashtu siç ndodhi pak ditë më parë.
