Gjatë vizitës së tij në SHBA, kryeministri Edi Rama u prit nga krerët më të lartë shtetëror përfshirë këtu edhe presidenti Barack Obama. Por përtej oqeanit, kryeministri Edi Rama e përcolli edhe në Tiranë këtë vizitë që për të ishte shumë emocionuese.
Më poshtë keni një bisedë satirike mes kryeministrit Edi Rama dhe kryebashkiakut të Tiranës Erion Veliaj:
Rama – Ho mër lal ç’kemi? Si të kam?
Erioni – Ooo shef, mirë faleminderit. Po ju si jeni? Mbaroi takimi?
Rama – Mbaroi. Shkelqyeshem. Shumë mirë. Që në fillim më tha se ishte shumë i gëzuar që do të rrinim rehat të bënim muhabet, se herët e tjera kur i kisha dhënë dorën nëpër korridore nuk i kishin zënë vend.
Ndenjtëm një orë, bile theu edhe protokollin, më tregoi zyrën ovale, atë ku punon vete. Këtu do të ishe ti, më tha, nëse do të kishe lindur në Amerikë, por nuk është fati jonë.
Erioni – Ça thua shef?
Rama – Po, po. Biles shkoi më tej. Më tregoi edhe banjon. E dinte që ne shqiptarët kur na vjen një mik vizitë në shtëpi, i tregojmë banjon. Aty Donald Lusë qe tu i ra të fikët. E kuptoi që s’duhet ti mprehë brirët me mua. Pastaj i iku gjuha mbrapsht, kur Obama më tha që kishte filluar të më adhuronte si lider, qyshkur kisha bërë fushë basketbolli tek kryeministria dhe kisha vënë një kosh në zyrë.
Lum si ti, – më tha, mua nuk më le shefi i protokollit se është godinë historike Shtëpia e Bardhë.
Erioni – Ncuq, ncuq, ncuq!
Rama – Prit, prit. Pastaj i tregova për mësimin e fesë në shkolla. Aty i iku truri fare. E di, e di – më tha – kjo iniciativë e juaja është e pashembullt në planet, megjithëse nuk e kuptoj pse po e bëni këtë kur nuk keni probleme.
Erioni – Po ti ça i the shef?
Rama – I thashë që ky është një projekt pilot që do futet në 10 shkolla në fillim, i bërë në bashkëpunim me francezët. Duam të jemi një hap para botës i thashë. Po pse? – më pyeti – nuk ju pëlqen vendi i dytë pas Gjermanisë? I ngatërron punët – i thashë – ai ishte praardhësi im, ndërsa unë e kam garën me ju. E besoj – më tha – i kam ndjekur me vëmendje deklaratat tuaja dhe të ekipit tuaj. Sidomos ai Balla është kapacitet – më tha – shih mos ia jep për ca muaj Hillarit.
Erioni – Ncëq, ncëq, ncëq.
Rama – Edhe për ty ishte në dijeni. Edhe unë kam pasur një drejtor kabineti, që u bë kryetar bashkie në Çikago,- tha, por nuk ka të krahasuar me atë që ke ti në Tiranë. Më pyeti edhe a mbaroi ajo rruga në krah të Pallatit të Kongreseve. Sot është inaguruar – i thashë. Vepër madhore – më tha – por planet për integrimin e hyrjes së parkut të liqenit dhe këndi i lojrave është ende preokupimi im i madh ,vazhdoi. Ishte i informuar edhe për reformat, dhe i kishte pëlqyer ajo që ne i themi PPP, sidomos koncesioni i dializës në bashkëpunim me një gomisteri. Ku ju ka shkuar mendja? – më thoshte.
Pastaj më tha që duhet të luftojmë korrupsionin.
Erioni – Moooos. Na dhjeu. Se unë po i jap tenderat pa letra fare, më keq se ty kur ishe këtu. Unë nuk kam as Fatmir Xhafën të rregullojë letrat po filluan kontrollet.
Rama – Mos u tremb, se nuk e kishte për ne. Kur fliste për korrupsionin, unë nuk lëviza qerpikun, dhe i dhashët të kuptonte se do ta luftojmë korrupsionin e PD-së.
Nejse. Andej çkemi ndonjë gjë.
Erioni – Shumë mire jemi shef. Inagurova rrugën në krah të Pallatit të Kongreseve. Tani kush do të bëjë 100 metra me biçikletë, e ka një vend.Pastaj dola e bëra mut presidentin që fut hundët tek parku. Nuk e di a e ke marrë vesh atë kryetarin e bashkisë të Lushnjes? Atë duhet ta bësh se s’bën deputet rradhës tjetër. Edhe ajo puna e fesë po ecën. Ju ka hyrë data këtyre që e marrin seriozisht këtë vend. Po neve kjo na intereson. As e kanë mendjen tek Blushi, as tek taksat e as tek kriza. Je i madh shef. Majkoja ka lëvizur këto ditë, jep intervista si i pavarur.
Rama – Ou! E çfarë thotë?
Erioni – Asgjë. Tregoi për ca romë që kishin bërë këngë për rrugët e tua.
Rama – S’ka problem. I kam thënë unë që të tregojë dy barcaleta për këtë javë. Po tjetër?
Erioni – Asgjë shef. Unë po e mbaj me sukses situatën. Ti vazhdo andej. Edhe këtu opozita me Strazimirin ka mbetur. Luli kishte shkuar në Dumre dhe ju kishte mbushur mendjen se ndryshimi do fillojë nga aty.
Rama – Mirë lal. Ik tani se kam punë./dritare.net
