Nga Klevin Muka
Në 17 vitet e fundit në aksin kombëtar Tiranë – Korçë janë investuar minimalisht 760 milionë euro, ndërsa janë ndërtuar 73 km të reja dhe janë në proces zgjerimi 50 km ekzistuese, të cilat pritet të kenë edhe një kosto shtesë prej 100 mln eurosh. (Elbasan-Qafë-Thanë).
Konkretisht janë ndërtuar:
Tiranë – Elbasan 400 mln euro (31km)
Qukës- Qafë Plloçë 260 mln euro (43km).
Zgjeruar:
Elbasan-Qafë Thanë 100 mln euro
+100 mln euro në një fazë të dytë, në bazë të projektit.
Rruga në total nga Tirana në Korçë është rreth 160 km dhe përshkohet për përafërsisht 3 orë, ndërsa 760 mln eurot kanë ndikuar shumë pak në shkurtimin e distancës kohore mes kryeqytetit dhe qendrës së juglindjes.
760 milionë eurot janë shpenzuar për të arritur një lëvizje me shpejtësi mesatare 53.3 km/h.
E si mos të mjaftojë kjo, Autoriteti që ka “shpenzuar” 760 mln euro, të thotë që për të shkuar deri në Korçë të duhet të ndjekësh një itinerar të tillë:
Tiranë-Durrës-Kavajë-Rrogozhinë-Lushnje-Fier-Mallakastër-Memaliaj-Tepelenë-Këlcyrë-Permet-Leskovik-Ersekë-Korçë!
