Policia e Elbasanit njofton se aksi Librazhd-Përrenjas është i bllokuar totalisht për të gjitha mjetet, përfshirë ambulancat, zjarrfikëset dhe Policinë, të cilat deri më tani kishin akses në këtë aks.
“Bazuar në njoftimin e marrë nga Drejtoria Vendore e Policisë Elbasan, aksi rrugor nacional Librazhd – Prrenjas është bllokuar totalisht për qarkullimin e mjeteve.
Aktualisht, në këtë segment nuk lejohet kalimi i asnjë mjeti, përfshirë ambulancat, mjetet zjarrfikëse dhe mjetet e Policisë së Shtetit, të cilat deri më tani kishin akses në këtë aks.
Strukturat përgjegjëse janë në terren dhe po monitorojnë situatën në vijimësi. Për çdo zhvillim të mëtejshëm do të ketë njoftim zyrtar.
Prefektura e Qarkut Korçë mbetet në koordinim të plotë me institucionet përgjegjëse për menaxhimin e situatës.”, thuhet në njoftim.
LEXO EDHE:
Skandaloze, por e vërtetë! Rama-Balluku ia dolën të ndajnë Shqipërinë në dy pjesë
