Kryeministri Edi Rama është takuar me Presidentin e Këshillit të Evropës, Antonio Costa.
Vizita vjen në një moment të ndjeshëm politik për vendin, të lidhur drejtpërdrejt me hetimet ndaj zv/kryeministres Belinda Balluku.
Vetëm sot, Komisioni Europian i ka kërkuar Parlamentit shqiptar që të mos vonojë mbledhjen për shqyrtimin e kërkesës për heqjen e imunitetit të numrit dy të qeverisë.
Në këtë kontekst, udhëtimi i Ramës në Bruksel shihet edhe si një përballje politike me partnerët europianë, ndërsa në Tiranë mazhoranca socialiste me 84 mandate pritet të shërbejë si mburojë politike për Ballukun.
Burime theksojnë se në tryezën e diskutimeve është prekur edhe rëndësia e respektimit të standardeve europiane në sundimin e ligjit dhe pavarësinë e institucioneve, çështje që lidhen drejtpërdrejt me reagimet e fundit të Brukselit ndaj zhvillimeve në Shqipëri.
Në agjendë janë përfshirë gjithashtu edhe tema të tjera kyçe për marrëdhëniet Shqipëri–BE, përfshirë prioritetet e procesit të integrimit, por hija e çështjes Balluku duket se e ka shoqëruar takimin e Kryeministrit në Bruksel.
