Një subjekt tregtar që shiste produkte të kontrabanduara dhe nuk lëshonte kupon tatimor, është goditur së fundmi nga Policia në Berat.
Sipas Policisë, dyqani është zbuluar në lagjen “10 korriku”, ndërsa si pasojë është proceduar penalisht pronari i tij, shtetasi A. D., 39 vjeç.
Gjatë kontrollit në ambientet e subjektit janë sekuestruar 191 ora dore, të dyshuara të kontrabanduara, të cilat rezultonin imitime të markave të ndryshme.
Nga verifikimet rezultoi se 39-vjeçari, nuk dispononte fatura blerjeje për mallrat dhe nuk lëshonte kuponë tatimorë gjatë shitjes së tyre.
Materialet procedurale i janë referuar Prokurorisë së Beratit për veprime të mëtejshme.
