Zona e njohur si “Pushimi i Ragës” në Elbasan, e ndodhur mes fshatrave Balëz dhe Letan, në rrugën që të çon drejt liqeneve të Funarit, është mbuluar nga mbeturinat.
Sipas informacioneve, situata paraqitet alarmante, ku natyra dhe përroi që kalon pranë zonës janë ndotur rëndë, duke e kthyer këtë vend pushimi në një vatër ndotjeje.
Banorët e zones janë shprehur të shqetësuar në lidhje me situatën, ndërsa i kanë bërë thirrje Bashkisë Elbasan me kryetar Gledian Llatjan të ndërhyjë. Ata kërkojnë vendosjen e koshave të mbeturinave, kamerave të sigurisë dhe ndëshkimin e personave përgjegjës, duke theksuar se ndotja kryhet kryesisht nga individë që vijnë me automjete.
“Zona quhet Pushimi i Ragës, midis fshatrave Balëz dhe Letan (rruga që shkon drejt liqeneve të Funarit). Kërkojmë që Bashkia Elbasan të marrë masa, së pari, ta pajisë zonën me kosha mbeturinash dhe, së dyti, të vendosë kamera dhe të gjobisë, duke u marrë targat e makinave, ata që e kanë katandisur kështu këtë vend dhe përroin që kalon poshtë tij. Kjo zonë është kthyer në vend hedhjeje mbetjesh, pasi ndotja bëhet nga persona që vijnë me makinë, sepse në këmbë nuk shkon askush për ta katandisur në këtë gjendje këtë vend.”-shprehet qytetari për JOQ.
View this post on Instagram
