Reshjet intensive të shiut të ditëve të fundit kanë rritur ndjeshëm nivelin e lumit Vjosë, i cili ndodhet aktualisht në pikën kritike dhe po rrezikon të dalë nga shtrati.
Situata është më e rënduar pranë Urës së Mifolit, ku niveli i ujit ka arritur deri në afro 8 metra, duke shkaktuar përmbytje në tokat bujqësore dhe duke vënë në alarm komunitetet përreth.
Nëse prurjet vijojnë me të njëjtin intensitet, rreziku për përmbytje masive mbetet i lartë. Fshatrat më të ekspozuar ndaj daljes së lumit nga shtrati janë Çerven, Kashishtë, Çerras, Ferras dhe zona të tjera përgjatë argjinaturës së Vjosës në territorin e Fierit dhe Vlorës.
