Moti i keq me reshje të dendura shiu ka bllokuar aksin kombëtar Gjirokastër–Kakavijë në zonën e Kordhocës, përballë fshatit Lazarat.
Gjithashtu sipas raportimeve ka bllokim të rrugës Gjirokastër–Valarë në vendin e quajtur Ura e Aznakut. Në pjesën më të madhe të qytetit të Gjirokastrës ka prezencë të inerteve, të cilat kërkojnë përdorimin e mjeteve të rënda për largimin e tyre. Për pasojë janë izoluar fshatrat dhe është pezulluar dhe procesi mësimor.
Aktualisht reshjet e shiut kanë ulur intensitetin, ndërsa niveli i lumit Vjosë në Memaliaj ka arritur 6.5 metra.
