Përmbytjet që kanë goditur Gjirokastrën këtë pasdite kanë sjellë momente paniku dhe rrezik për jetën e qytetarëve, ndërsa reshjet e dendura kanë mbushur rrugët me ujë të rrëmbyeshëm.
Një 23-vjeçar u mor nga rrjedha e fuqishme e ujit në zonën e Bllokut të Furrave, lagjja Punëtori, duke rrezikuar të mbytej. Fatmirësisht, punonjësit e zjarrfikëses ndërhynë arritën ta nxjerrin të gjallë nga vërshimet.
Përmbytje masive në disa zona të qytetit
Qyteti po përballet me situatë të rëndë, pasi përroi i Fiços ka dalë nga shtrati, duke përmbytur disa prej arterieve kryesore dhe duke bllokuar qarkullimin e automjeteve.
Ndër zonat më problematike raportohen:
Lagjja “18 Shtatori”
Zona Muzeale
Blloku i Furrave
Sipas raportimeve në terren, qytetarët janë detyruar të dalin në rrugë për të shpëtuar sende dhe mjete shtëpiake, ndërsa u përballën me rrjedha të forta uji që përfshinë rrugët.
