Trafiku i rënduar vijon të jetë një problem serioz në qytetin e Elbasanit, veçanërisht në aksin Elbasan–Bradashesh, ku prej ditësh janë krijuar radhë të gjata automjetesh.
Situata paraqitet problematike jo vetëm në rrugën kryesore, por edhe në rrugët dytësore, të cilat janë mbingarkuar nga fluksi i lartë i mjeteve.
Trafiku i madh në zonën e Elbasanit ka bërë që mijëra qytetarë të mbeten të bllokuar në rrugë, duke humbur orë të tëra në lëvizje.
Kalimi i gjithë trafikut përmes qytetit e ka kthyer këtë aks në një “gangrenë” të qarkullimit, ku lëvizja bëhet tepër e vështirë dhe shpesh zgjat për orë të tëra.
