Teksa Belinda Balluku poston foto në rrjete sociale duke u shfaqur si një qeveritare “humane” që feston Krishtlindjet me qytetarët e Lushnjës, qindra qytetarë të tjerë mbeten të bllokuar në trafik për shkak të punimeve të zvarritura në rrugë dhe tenderëve të dhënë sipas interesave.
Radhë të gjata automjetesh janë krijuar në aksin Elbasan–Librazhd, ku punimet për ndërtimin e autostradës kanë dëmtuar segmente të rrugës dhe kanë ngadalësuar ndjeshëm qarkullimin.
Situata është rënduar edhe më shumë nga fluksi i qytetarëve që janë nisur drejt Korçës për festat e fundvitit, duke shtuar ndjeshëm lëvizjen e mjeteve.
Probleme të ngjashme janë evidentuar edhe në akset Tiranë–Elbasan dhe në zonën e kryqëzimit të Cërrikut, ku qarkullimi është bërë i vështirë dhe me vonesa të gjata.
Ndërkohë Policia Rrugore ndodhet në terren në rolin e spektatorit pa mundur të menaxhojë si duhet trafikun për të lehtësuar lëvizjen e automjeteve.
