Nga Arenc Berati
Ajo që po ndodh sot në PD është dëshmi e një devijimi të thellë nga parimet që e ndërtuan këtë parti. Firmat e 35 deputetëve për kandidatët e lidhur me linja sorosiane nuk janë thjesht një gabim politik — janë një tradhti morale ndaj vlerave që kanë mbajtur gjallë këtë forcë: Zotin, Familjen, Kombin.
Është koha që PD të pastrohet nga çdo ndikim që e tërheq drejt globalizmit të majtë, drejt relativizmit moral dhe drejt strukturave që as nuk e kuptojnë, as nuk e respektojnë identitetin tonë konservator. “De-sorosizimi” nuk është slogan, është domosdoshmëri për mbijetesën politike dhe morale të kësaj partie.
Nuk mund të ketë më ambiguitet: ose jemi me parimet e djathta, me identitet të qartë kombëtar, me aleancë drejt forcave që mbrojnë traditën dhe lirinë, ose rrëshqasim në batakun e oportunizmit politik që s’ka as fytyrë, as qëllim.
E vërteta është e thjeshtë:
Nuk mund të jesh njëkohësisht me Trump dhe me Soros. Nuk mund të jesh edhe konservator, edhe i nënshtruar ndaj strukturave progresiste. PD duhet të zgjedhë—dhe zgjedhja duhet të jetë e qartë.
Përndryshe, çdo sakrificë e bërë për këto parime do të mbetet e tradhtuar
