Ish-presidenti, Bamir Topi ka dalë nga ambjentet e Prokurorisë së Posaçme, SPAK, aty ku u paraqit paraditen e kësaj të marte për tu pyetur në lidhje me çështjen e 21 Janarit.
Jashtë ambjenteve të SPAK, për gazetarët ai kërkoi mirëkuptim për të mos zbuluar detaje nga çështja, teksa u shpreh se është procedurë e sekretit hetimor.
“Kam qenë në atë kohë kryetar shteti. Kam fillur vazhdimisht për ‘21 janarin’ në respekt të transparencës ndaj publikut. Por duke qenë se është process nën hetim nuk them dot më shumë se kaq. SPAK heton për të dalë tek e vërteta”, tha ai.
Për të njëjtën dosje më herët është marrë në pyetje edhe Lulzim Basha dhe Sali Berisha.
Hetimi për ngjarjen e 21 janarit është rihapur nga SPAK një vit më parë, pas vendimmarrjes së Gjykatës së Lartë që urdhëronte Prokurorinë e Posaçme të hetonte një kallëzim të bërë nga Rajmonda Nika, bashkëshortja e të ndjerit Aleks Nika, njëri prej 4 viktimave të 21 Janarit.
