Qarkullimi në aksin Librazhd-Elbasan po përballet me vështirësi të mëdha këtë të diel për shkak të punimeve të zvarritura dhe fluksit të lartë të automjeteve që udhëtojnë drejt Tiranës.
Ky segment rrugor, i njohur për densitetin e trafikut, është tërësisht i bllokuar për një gjatësi prej të paktën 16 kilometrash.
Qindra qytetarë dhe drejtues mjetesh kanë mbetur të bllokuar në trafik për më shumë se një orë.
Sipas raportimeve të qytetarëve, policia nuk është parë askund për të lehtësuar situatën. Por me të drejtë, pasi patrullat e policisë janë të angazhuara kryesisht në vendosjen e gjobave për parkime të gabuara, duke lënë pa mbikëqyrje rrugën kryesore dhe duke thelluar kaosin në këtë aks të rëndësishëm.
Fluksi i pandërprerë i automjeteve, bashkë me mungesën e koordinimit dhe të shërbimeve të patrullave, ka bërë që segmenti të duket pothuajse i pamundur për t’u kaluar.
Situata përkeqësohet edhe nga punimet në rrugë, të cilat duket sikur nuk do të kenë fund, kjo falë qeverisë, pasi sipas përgjimeve në dosjen hetimore, ish-zv.kryeministrja dhe ministrja e Infrastrukturës e përzulluar, Belinda Balluku, kishte dhënë tenderat për mirëmbajtjen e rrugëve tek kompani të përzgjedhura sipas kritereve të saj.
