Cristian Panucci ka vendosur t’i dhurojë vetes disa ditë pushime pas rezultateve të dobëta me kombëtaren shqiptare që pësoi dy humbje të thella kundër Kosovës dhe Ukrainës.
Trajneri i kuqezinjve ka zgjedhur resortin e golfit në Caldes de Malavella në Spanjë, për t’u qetësuar së bashku me gruan e tij, pas stresit dhe kritikave për humbjet në ndeshjet miqësore.
Por ish-futbollisti italian ka folur edhe për të ardhmen e tij, duke zbuluar ëndrrën që një ditë të drejtojë Realin e Madridit.
“Unë jam shumë i lumtur në Shqipëri, shumë i lumtur. Por kam një rrugë të gjatë për të bërë që të rritem si trajner dhe të përfitoj përvojë. Këtë gjë po e bëj në Shqipëri, ku jam në një federatë shumë serioze. Por të gjithë ëndërrojmë përpara se të flemë gjumë, dhe Real Madrid është një ëndërr. Por unë jam me këmbë në tokë”, është shprehur Panucci.
