Rezidenca më luksoze në botë që shtrihet në Rivierën franceze, dikur i përkiste mbretit belg Leopoldi i II-të dhe krijuesit të konjakut Grand Marnier, është nxjerrë në shitje për 410 milionë dollarë.
Rezidenca mban emrin “Les Cedres”, ka 14 dhoma gjuma dhe është e vendosur në rivierën franceze dhe do të mbajë titullin si ‘vila më e shtrenjtë në botë’ nëse shitet me këtë çmim marramendës.
Vila është ndërtuar para 187 vitesh për mbretin e Belgjikës me paratë e fituara nga grabitjet e tokave në Kongo.
Më pas u ble nga familja Marnier-Lapostolle më 1924n, 15 vjet pas vdekjes së Leopoldit, të njohur për prodhimin e konjakut.
Prona e pazakontë kaloi kohët e fundit në duart e sipërmarrësve të brandit Campari, të cilët e nxorrën më pas në ankand.
“Les Cèdres” u ndërtua më 1830n dhe u ble në 1850 nga kryebashkiaku i Villefranche-sur-Mer, kur shërbente si një fermë ullinjsh.
Prona me 14 dhoma gjumi ka një pishinë me përmasa gjigande dhe pamje fantastike nga bregdeti i Nicës.
Ajo ka një ndër kopshtet më të bukur në Europë, i cili përfshin edhe lëndinë, 15000 bimë dhe 20 shtëpiza të gjelbra që përbajnë bimësi të rrallë tropikale.
Pallati ka një dhomë balloje dhe një stallë me kapacitet prej 30 kuajsh.
Fqinjët e afërt janë kompozitori Andrew Lloyd Webber dhe manjati i teknologjisë amerikane Paul Allen.
Por, pavarësisht pamjes së saj përrallore, duket se prona ka probleme për t’u shitur, pasi nuk është më online dhe duket se është tërhequr nga tregu.
Shefi ekzekutiv i ‘Campari’-t Bob Kunze-Concewitz tha në Tetor se ai ka blerës nga Lindja e Mesme dhe Amerika.
Ai tha gjithashtu se të ardhurat nga shitja e pronës, do të ndahen mes aksionerëve.
