Kryedemokrati, Sali Berisha ka folur ditën e sotme në lidhje me saksionet e vendosura ndaj biznesmenit Luftar Hysa teksa ka risjellë në vëmendje edhe dosjen “Aruba”, ku thuhet se përfaqësues të qeverisë shqiptare janë takuar me narkotrafikantë.
Nisur nga sanksionet e vendosura ndaj Hysës dhe familjes së tij, Berisha ka ngritur dyshime se në takimet e Arubas kanë qënë dhe vëllezërit Hysa të cilësuar si anëtarë të kartelit të drogës “Sinaloa” në Meksikë.
Sipas Berishës një avion është nisur nga Tirana në Aruba për të takuar një grup bosësh të karteleve të transportit të drogës, dhe Rama i ka shndërruar këta njerëz në sektor kryesor të jetës së vendit.
“E tillë është Aruba. Të niset charteri nga Tirana për të bërë takimin, me siguri kanë qenë edhe këta vëllezërit Hysa, apo është edhe një tjetër, më duket se është në burg, një Rexhepi. Këta takimin me qeverinë, është rast unik. Të nisësh avionin për 11 mijë km nga Tirana në Aruba për të takuar një grup bosësh të karteleve të transportit të drogës, ti i shndërron ata në një sektor kryesor të jetës së vendit”,- ka deklaruar Berisha.
