Një ditë pas dorëheqjes së kryetarit aktual të Partisë Demokratike të Kosovës, Memli Krasniqi, Bedri Hamza njoftoi se do të garojë për drejtimin e partisë në Konventën e saj më 17 nëntor.
Hamza, i cili në zgjedhjet e 9 shkurtit doli i dyti për kryeministër, tha se do të punojë për unifikimin dhe reformimin e PDK-së, me qëllim rikthimin e saj si forcë kryesore politike në vend.
“Sot, me përgjegjësi dhe besim në të ardhmen e partisë sonë, e shpalla kandidaturën time për kryetar të PDK-së,” shkroi Hamza në Facebook, duke shtuar se tani është koha për një PDK të bashkuar.
