Pas bojkotit të komisioneve, Partia Demokratike ka mbledhur grupin parlamentar në selinë blu.
Në hyrje të mbledhjes, deputeti i PD Sajmir Korreshi deklaroi: “Unë e kam dhënë mendimin, që në seancën e parë që shoku Meleshi nuk na lejoi fjalën. Duhet t’i kishim shkuar te zyra. Ne nuk mund të kthehemi, ka disa teori të shohim. Duhet të shkonim te zoti Meleshi të zbatonte rregulloren. Ne kemi luajtur me një portë”.
Nga ana tjetër, pa dhënë shumë detaje, demokratët iu përgjigjën pyetjeve të gazetarëve:
Pyetje: Cili është qëndrimi që do të mbani në mbledhjen e Grupit?
Ivi Kaso: Ku i keni dëgjuar këtë bojkot ose Komisione parlamentare. Deri më tani nuk ka asnjë bojkot.
Luçiano Boçi: Prandaj është mbledhja, për të bërë propozime.
Pyetje: A jeni pro bojkotit të PD-së në Komisione?
Jozefina Topalli: Akoma nuk kam shkuar në mbledhje.
Pyetje: Cili është qëndrimi juaj?
Gazment Bardhi: Të shkojmë një herë në mbledhje dhe pastaj. Besoj që ju keni durimin e nevojshëm për qëndrimin e Grupit Parlamentar të PD-së që do të bëhet i ditur pas mbledhjes.
Në mbledhje mungojnë 5 deputetë Bujrar Leskaj, Edi Paloka, Luan Baçi, Gent Strazimiri, Artan Luku.
