Një javë pas vënies në akuzë prej SPAK të zëvendëskryeministres Belinda Balluku, nga PD është bërë një tjetër denoncim.
Belind Këlliçi përmes një deklarate për mediet shprehet se kontrata për tunelin e Llogarasë është më shumë se 190 milionë euro dhe se punimet nuk janë bërë siç janë parashikuar.
“Bazuar në projekt dhe preventiv, do të duhej të kishim edhe dy ura panoramike në hyrje dhe dalje të tunelit, e meqenëse në gjuhën teknike këto janë “vepra arti”, ndërtimi i tyre e rriti me 25 milionë euro koston e ndërtimit.
25 milionë euro për ndërtimin e dy urave, të cilat në realitet nuk ekzistojnë. Po, po, prestigjatori, piktori dështak që kemi në krye të qeverisë, zhduku jo vetëm dhjetëra miliona euro në këtë aferë, por zhduku edhe dy urat”, tha Këlliçi.
Më tej ai ironizoi duke u shprehur se “oreksi vjen duke ngrënë dhe 50 milionë euro nuk u mjaftuan, ndaj vendosën të zhdukin edhe 25 milionë euro të tjera, duke zhdukur ndërtimin e urave”.
Këlliçi shtoi se të gjitha këto fakte dhe dokumenta, “PD do t’ia përcjellë zyrtarisht SPAK-ut, pasi në këtë rast nuk kemi të bëjmë me një shkelje të barazisë në tendera, por kemi të bëjmë me një aferë thellësisht korruptive, ku deri tani PD ka faktuar se janë zhdukur të paktën 75 milionë euro”.
Postimi i Këlliçit:
