Po mbahet mesditën e kësaj të marte seanca për “Plumbin e Artë” në GJKKO.
Në seancën e sotme po dëshmon Matilda Habilaj, vajza e Fatmira Dedës dhe motra e Elvis Dedës, i vrarë në vitin 2013 dhe 2012 në Golem.
Matilda ka sqaruar se që nga viti 1997 nuk ka pasur komunikim me vëllanë, por ka pasur informacione se ai ka shkuar në Belgjikë dhe në Holandë, për t’u kthyer më pas në Shqipëri në vitin 2008. Ajo thotë ndër të tjera se lajmin për vdekjen e të vëllait e ka mësuar nga lajmet.
Matilda Habilaj: Unë kam lindur dhe rritur në Kavajë, më pas im vëlla, se di për çfarë arsye dhe rrethanash, u zhvendos në Durrës.
Çfarë biznesi kishte vëllai juaj?
Matilda Habilaj: Unë se di me çfarë biznesi ishte marrë vëllai im, nuk e di çfarë ka bërë më tepër. Ai është larguar jashtë dhe e kam takuar në vitin 1997, ka qenë në emigracion. Fillimisht di që ka ikur në Itali, më pas në Hollandë dhe në Belgjikë. Në 2008 kam kuptuar që ai ka ardhur në Shqipëri. Kam qenë në punë, më kanë marrë një telefon dhe më thonë shiko se “Lozhja”. Pas ngjarjes unë kam ikur në Gjermani, sepse nuk e pranoja dot ngjarjen. Unë, kur isha në Gjermani, kam folur me mamin dhe i kam thënë që jam me ty, por nuk ndihem mirë për ta ndihmuar, sepse nuk njihja as njerëzit. Përsëri e kam marrë vesh nga televizori se mami ishte vrarë në 2013. Në 1997 kam shkëputur të gjitha marrëdhëniet me vëllain. Familjarët e mi nuk e meritonin këtë fund. Vëllai ka qenë shumë i lidhur me mamin. Pas vrasjes së vëllait nuk kam pasur shumë komunikim me mamin, pasi i dhashë kohë vetes time për të kuptuar çfarë kishte ndodhur. Mamin tim e ekzekutuan për ca para.
Mami im është vrarë për 20 mijë euro, e kam dëgjuar në media. B.D. është daja i lozhës, i vëllait tim, pasi ai me ata ka pasur më shumë marrëdhënie, ndërsa unë s’kisha asnjë marrëdhënie me ta. Në 2014 kam takuar zotërin Festim Qoli, për pasurinë e vëllait tim. Ai më ka kërkuar shitjen e disa aksioneve të një objekti, të një biznesi. Nga shitja, vlera ka qenë 45 mijë euro. Unë thjesht kam firmosur. Nuk kam folur shumë gjëra me F.Q., ai më ka bërë ndajren e pasurisë me mamin. Unë s’kisha idenë e asaj gjëje. B.D. më ka ardhur në shtëpi dhe më kanë kërkuar firmën që ata të ndjekin të gjitha pronat, që i kishte mami im dhe vëllai im. B.D. (daja) nuk më ka treguar se F.Q. ishte i dyshuar për vrasjen e vëllait tim. Nga mami im kam trashëguar vetëm një apartament, të cilin e kam shitur dhe kam blerë një tjetër banesë. Nuk kam qenë kurrë tek apartamenti ku ka jetuar mami. Unë ia lashë në dorë drejtësisë, nuk jam interesuar për vrasjen e vëllait dhe mamit. Nuk kam jetuar me mamin dhe as me anëtarë të familjes së mamit. Unë s’kam jetuar me mamin as me vëllain. Ata ikën nga Kavaja dhe shkuan në Durrës.
