Gazetari Artan Hoxha ka dhënë deklarata të forta lidhur me fatin e Ervis Martinajt, i zhdukur prej gushtit të vitit 2022.
I ftuar në emisionin “Opinion”, Hoxha u shpreh se sipas informacioneve që disponon, Martinaj është vrarë dhe kufoma e tij është zhdukur, ndërsa pas ngjarjes qëndron një aleancë e grupeve kriminale që u bashkuan për ta eliminuar.
Ai shtoi se Martinaj u bë armik publik dhe kundërshtar i qeverisë, ndërsa vila e tij ndodhej vetëm 10-15 metra në vijë ajrore nga ajo e kryeministrit, një fakt që tregon edhe nivelin e afërsisë fizike që ai zgjodhi për sigurinë e tij.
“Kontakti i fundit ka qenë më 9 gusht dhe kanë komunikuar me mesazh dhe janë ndërprerë kontaktet. Version është që ata e kanë rrëmbyer dhe e kishin vrarë dhe zhdukur kufomën. Nga ajo ngjarje deri sot është një tjetër aleancë që e drejton vendin deri te Martinaj dhe u ndërpre ajo epokë. Martinaj ishte një person që e modernizojë krimin.
Martinaj është babai i katër fëmijëve, tre vajza dhe një djalë është djalë i vetëm, ka studiuar por ekonomi biznesi, nuk është se vinte nga bota e krimit. A u bë armik publik se u bë kundërshtarë i qeverisë. Rasti i parë që Rama i drejtohet direkt Martinajt, në moment që e ndieu rrezikun, Martinaj Mori vila ngjitur me Ramën në vijë ajrore 10 apo 15 metër në distancë. Ervis Martinaj është eliminuar dhe kufoma e tij është zhdukur.
Në Shqipëri mund t’i fshihesh kujdo, por jo miqve të tu apo dhe hasmit. Ti mund t’i fshihesh kujdo këtu, sidomos asaj aleance që kishin qenë kundërshtarë me njëri tjetrin dhe u bën bashkë për të goditur atë. Jam i bindur që e kanë eliminuar”,-tha Hoxha.
