Policia e Fierit ka arrestuar në flagrancë një 31-vjeçar nga Roskoveci, i dyshuar për shpërndarje të lëndës narkotike Cannabis Sativa.
Sipas njoftimit zyrtar, gjatë kontrollit në banesën e të arrestuarit J.Ç., u sekuestruan 3.6 kilogramë Cannabis, një peshore elektronike që shërbente për ndarjen e dozave, një shumë parash e dyshuar si e përfituar nga shitja e drogës, si dhe dy aparate celularë.
Materialet procedurale janë referuar Prokurorisë pranë Gjykatës së Shkallës së Parë Fier për veprime të mëtejshme ligjore.
