Një 31-vjeçar nga Peja është identifikuar dhe arrestuar për qëllime ekstradimi, pasi kërkohej nga drejtësia në Kosovë për akuzën e mashtrimit.
Arrestimi u bë në Pikën Kufitare të Muriqanit, teksa kosovari po përpiqej të dilte nga territori shqiptar drejt Malit të Zi, ndërsa ishte i shpallur në kërkim ndërkombëtar.
“Shërbimet e Policisë Kufitare të PKK Muriqan, si rezultat i kontrolleve të shtuara dhe i shkëmbimit të informacionit me Interpol Tiranën, kanë kapur në dalje të RSh-së, shtetasin kosovar F. K., 31 vjeç, banues në Pejë. Ky shtetas ishte shpallur në kërkim ndërkombëtar, për veprën penale “mashtrimi”, parashikuar nga Kodi Penal i Kosovës”, thanë burime zyrtare.
Pas ndalimit është njoftuar edhe policia kosovare, kurse Interpol Tirana, në bashkëpunim me autoritetet, do të kryejë procedurat për ekstradimin e 31-vjeçarit në Kosovë.
