Ambasadori i Bashkimit Europian në Shqipëri, Silvio Gonzato, ka dhënë sot një mesazh për forcat politike në vend, duke theksuar rëndësinë e bashkëpunimit në kuadër të reformës zgjedhore dhe përmbushjes së “detyrave të shtëpisë” në procesin e integrimit europian.
Gjatë një aktiviteti publik, Gonzato nënvizoi se Bashkimi Europian inkurajon një proces gjithëpërfshirës dhe transparent, që përfshin të gjitha forcat politike dhe institucionet e përfshira në përgatitjen e ndryshimeve zgjedhore.
“Ne në Bashkimin Evropian mirëpresim të gjitha këto hapa dhe inkurajojmë që të keni një proces gjithëpërfshirës, të bazuar tek faktet, të udhëhequr nga OSBE-ODIHR dhe nga rekomandimet e Komisionit të Venecias,” tha Gonzato.
