Ish-presidenti i SHBA-së, Joe Biden, është duke ju nënshtruar terapisë me rrezatim për kancerin e prostates.
Kujtojmë se Biden u diagnostikua për herë të fundit në muajin maj.
“Si pjesë e planit të trajtimit për kancerin e prostatës, Presidenti Biden është aktualisht duke ndjekur terapi me rrezatim dhe trajtim hormonal,” tha një zëdhënës i tij.
Biden njoftoi në muajin maj se ishte diagnostikuar me kancer metastatik të prostatës. Sipas ekipit të tij mjekësor, sëmundja është agresive, por e ndjeshme ndaj hormoneve, që do të thotë se ka gjasa të reagojë mirë ndaj trajtimit.
