Rusia ka sulmuar Ukrainën me mbi 400 dronë dhe 30 raketa, duke goditur infrastrukturën energjetike dhe zonat e banimit, përfshirë Kievin dhe Zaporizhian, njoftoi Presidentit ukrainas Zelensky.
Presidenti informoi gjithashtu se ka pasur ndërprerje të energjisë elektrike në nëntë zona dhe përsëriti nevojën për mbështetje të mbrojtjes ajrore nga aleatët dhe vendosjen e sanksioneve.
Pjesë të Kievit mbetën pa energji elektrike gjatë sulmit, me një kompleks pallatesh që u përfshi nga flakët pasi u godit nga raketat ruse, raporton Kviv Indipendent.
Ministrja e Energjisë e Ukrainës, Svyatlana Hrynchuk, konfirmoi se sulmet kishin në shënjestër objekte kritike të energjisë. Ajo theksoi se “teknikët po bëjnë çmos për të kufizuar pasojat negative”.
Në një postim në Facebook, ajo vuri në dukje se ekipet do të fillojnë punën e restaurimit sapo të lejojnë kushtet e sigurisë.
Humb jetën një fëmijë shtatëvjeçar
Në rajonin jugor të Zaporizhzhisë, guvernatori rajonal Ivan Fedorov tha se një djalë 7-vjeçar vdiq në spital pasi u plagos në sulmin e natës nga dronët rusë.
Gjithashtu në qendër të Kievit, një zjarr shpërtheu në një pallat apartamentesh pasi një dron rus e goditi atë, duke shkaktuar dëme në katet e 6-të dhe të 7-të, në lagjen Pechersky.
