Një ngjarje tragjike ka tronditur këtë të hënë kryeqytetin. Gjyqtari Astrit Kalaja ka ndërruar jetë pak pas plagosjes me armë zjarri brenda ambienteve të Gjykatës së Apelit në Tiranë.
Kalaja nuk ka mundur t’u mbijetojë plagëve të marra, pavarësisht ndërhyrjes së menjëhershme të mjekëve.
Ndërkohë policia ka arrestuar autorin e dyshuar të ngjarjes, Elvis Shkëmbi i cili raportohet të ketë qëlluar gjatë një procesi gjyqësor për pronën.
Sakaq bëhet me dije se si pasojë e të shtënave kanë mbetur të plagosur edhe 2 persona të tjerë, Ervis dhe Ragip Kurtaj (babë e bir) pala tjetër që ndodheshin në sallën e gjyqit.
