Kroacia ka bllokuar një tjetër ngarkesë me produkte shqiptare në kufi. Bëhet fjalë për një sasi me krem fistiku (pasta pistachio), e cila është ndaluar për shkak të pranisë së një substance toksike të rrezikshme për shëndetin.
Sipas sistemit evropian të sigurisë ushqimore, RASFF, ngarkesa me “pastën e fistikëve” apo gjalpë stikash nga Shqipëria është ndaluar në kufi për shkak të prezencës së lartë të Aflatoksinës.
Mostrat për këtë ngarkesë janë marrë nga autoritetet kroate më 8 shtator, dhe pasi ngarkesa ka rezultuar me prezencë të lartë të toksinës është asgjësuar atje.
Njoftimi në sistemin evropian është bërë më 3 tetor, në mënyrë që edhe shtete të tjera që kanë marrë këtë produkt, të bllokojnë tregtimin dhe përdorimin e tij.
